ليه يازمن تعمل كده
تسبنى ليه متنكده
ليه تجرحنى
ليه تختار تكسر احلامى
ورافض لو مره تفرحنى
وتغير من لو ن ايامى
ليه تعادينى
وأسلّم ماترد سلامى
يازمن هو العمر طويل
ولا المُر بطعم جميل
امتى ياشجر العمر تميل
امتى النسمه تريحنا
وتعلّّى صوت أفراحنا
ونعيش عيشه بقى هنيه
امتى يازمن تضحك ليا

يارســـــــول الله

أنا واحده من أُمِِِِِتَك

ياحبيبى اشفعـــــلى

عارفه إنك حزيــن

وان احنا مقصّرين

ونسينا سُنِتَـــــــك

مع اننا أُمِتَـــــــك

يارسول الله ياغالى

مقامك إنت عالى

ياحبيب الله ورسوله

أنا عندى كلام هقوله

أنا أتمنى أشوفك

وأملّى عنيا بيك

لما أصلى عليك

الدنيا تضحكلى

واحس بالفرحه

وأنا حتى لابسه الطرحه

بعد الوضوء لصلاه

طاعه وخشوع لله

وأنا واقفه ما بين ايديه

بدعى فى ختام صلاتى

يااااااااارب صلى عليه

انت الحبيب ياحبيبى

ولمّا تسمعى اسمه

ياجروحى المُرّه طيبى

يارسول الله ياخَاتََََََم

بعدك مفيش أنبيـا

يلى سيرتك تريّح

ويشع منها الضيـا

وأى نور فى الدنيا

جنب ضياك انطفى

مولاى صلى وسلم

على أحمد المصطفى